Le livre du roy Rambaux de Frise et du roy Brunor de Dampnemarche (Relié)

Jadis eust en Frise ung roy lequel s'appelloit Rambaux, et tout le temps de sa jeunesse avoit esté moult preux et vaillant et avoit fait maintes armes et chevaleries dignes de memoire. Or estoit il ja vieulx homs, et avoit demeuré en mariaige bien long temps, ou il s'estoit gouverné tres honnestement et saigement. Et avoit eu plusieurs beaux enffans, desquielz ne luy estoit demeuré que une seule fille.
Si amoit il sa fille moult tendrement, et la estoit toute sa joye et son plaisir. Or s'apelloit la fille Florissant et bien estoit nommee, car elle florissoit de beaulté sur toutes aultres.