Los verbs conjugats - Memento verbal de l'occitan (Broché)

Los vèrbs conjugats. Mémento verbal de l'occitan Qu'ei ua sintèsi doblaments engatjada de qui mos auhreish uei - dab eth seriosèr e era competéncia de qui l'au se coneish - Patrici Pojada, subera morfologia verbau occitana. Engatjada bèth prumèr, per amor qu'ei eth desir patriotic de veir a arrecaptar era lor autonomia lingüistica peths occitans, toti parçans abarreja, de qui a empent e portat aqueth estudi.
Mès engatjada tanben, per amor qu'aqueste arrehilh dera tèrra d'Arièja, a on lengadocian, catalan e gascon e frairejan dempús tostemps, be sap que non i pòt aver cap d'unitat vertadèra qu'ena diversitat. Que'n sia frairauments arregraciat ! Bernat Arrous, professor d'occitan Aquò's la cinquena edicion d'aquela aisina que voldrián èsser Los vèrbs conjugats. Memento verbal de l'occitan dempuèi la primièra edicion, vint ans a.
En mai dels paradigmas complèts d'un centenat de vèrbs e dels quadres de las variantas regionalas, de nòtas donan de precisions sus la conjugason de tal o tal vèrb. Atal, lo memento se pòt utilizar a dos nivèls : lo primièr, en s'apiejant suls quadres, per trobar una informacion rapida a partir dels modèls prepausats ; lo segond en permetent de retrobar una forma mai locala e tanplan autentica de conjugason.