Cançons e autas òbras bearnesas (Broché)

De las cançons de Xavièr Navarròt (1799-1862), sonque un punhat e son enqüèra conegudas e cantadas uei lo dia. E la soa òbra maja, lo Dialògue entre Mossur Matèu, l'elector, e Jan de Minja-quan-n 'as lo bohèmi n'esto pas jamei editada despuish mei d'un sègle. E totun, los escriuts deu cançoaire auloronés, d'esperit fin e leugèr, que's legen dab gran plaser. Omi de còr, amic deu pòple, Navarròt que's bató tanben dab arsec contra totas las tiranias tà har vàler lo son ideau republican.
Qu'avem putzat a las edicions originaus tà tornar trobar la votz gaujosa e trufandèca deu cançoaire mes tanben la votz pregona d'un poèta vertader. Aci qu'avetz donc l'edicion la mei completa de las soas òbras de lenga d'òc.