Te moana taui rai

Traduction en tahitien de « Si loin du monde » paru chez Oh Editions. Mea maitaì roa te mahana i Tahiti i te reira 15 no mäti 2002. Ua poopoo te miti i te toèrau, e i nià i te raì, te âpee ra te manu i te haereraa o te ià. E 56 matahiti to Tavaè a Raìoaòa, ua haamaitaì o ia te Atua no te manuia taa ê o te tautai ta te mau tapaò e faaìte noa ra. Tau hora rii noa i muri mai, ua faaruè o ia ia Maiào, e ua maìri o Moorea, e inaha, e auauahi meùmeù tei na roto mai i te mätini i te pee i nià.
I te roaraa o te tau ta na i taià mai, a tahi nei te matini o Tavaè a ìno ai. Ua haamata o ia i te painu. E ätea roa te fenua no te faahaere i te tahi poroì na roto i te ratio. 118 mahana o ia i te painu-noa-raa mä te pape òre e te maa òre i nià ia Moana Nui. O vai te ora i roto i te fifi mai teie te huru. E parau no te hoê taata tei faaruru i te miti, te riàrià, te pohe, e tei ueuehia to na tiàturiraa.
E puai taa ê to teie puta, e putapü hoì te âau i mua i te itoito taa ê o teie taata. Ua taiò vau i teie puta, e ua hihitaìhia vau. Olivier de Kersauzon E tiàraa hanahana roa tei roaa i teie puta.